Վաղ առավոտյան զարթնեցի արևի շողերի ջերմությունից և ծիտիկների ծլվլոցից: Ես մոտեցա պատուհանին և զարմանքից քարացա: Շատ գեղեցիկ տեսարան էր: Ինձ թվաց ձյուն է եկել: Տրորեցի աչքերս և նորից դուրս նայեցի: Մեր այգու բոլոր ծառերը ծաղկել էին: Ես հագնվեցի և վազեցի դուրս: Ծաղիկների և ծաղկած ծառերի հոտը շատ անուշ էր: Դրան էին միացել ծիտիկների ծլվլոցը և առավոտվա թարմեցնող օդը: Բակում մի փոքր մարզվեցի, հեծանիվ վարեցի: Շատ ուրախ էի: Վաղ առավոտյան ես զգացի բնության կախարդական ուժը: